Блоги
Туйга барсаң, туеп бар...
Туйларда күп йөргән кеше түгел инде мин. Бәлки, шуңа кайбер күренешләр сәер тоеладыр. Шулай да баргалаган бар.
Туйларда күп йөргән кеше түгел инде мин. Бәлки, шуңа кайбер күренешләр сәер тоеладыр. Шулай да баргалаган бар. Соңгы елларда шаккаттыризмнарның геометрик прогрессиядә артуын күреп, чыннан да, шаккатам...
Бер танышларыбыз кияү һәм кәләш биюенә ярты ел чамасы әзерләнделәр. Әлбәттә, укытучы-хореограф белән. Кияү белән кәләшне генә түгел, булачак кода-кодагыйларны да алдан әзерләнгән сценарий буенча биеттеләр. Танго.
Икенче танышлар, моның белән генә чикләнмичә, кечкенә балалардан фәрештә ясап кыландырдылар. Әти белән кәләш, кияү белән әби (!) өчен аерым романтик бию куялар. Кәләш шлейфын күтәреп барырга махсус киемле балалар билгеләнә. Кәләшне әтисе култыклап алып чыгып, кияү кулына тапшыра. Матур инде, сүз дә юк... Европа. Аның да католик йолалары әле.
Шампан шәрабе салынган бокаллардан «төтенле» фонтан белән инде беркемне дә шаккаттырып булмый торгандыр, әмма 3-4 ел элек туйда шоколад фонтанын күреп, шаккаткан идем. Озын таякчыкларга кадалган экзотик җиләк-җимешне шул шоколадка манып, кунаклар чыр-чу килделәр, шоколад өс киеменә тамып, пычранып беттеләр... Мин дә авыз иттем. Күргән нәрсә түгел бит.
Читтән чакырылган дуэт алып баручылар, җырчы-артистлар, гимнаст-артистлар, биюче-артистлар турында әйтәсе дә юк инде... Әмма мәҗлес ахырында алсу коробкадан чыгып, стриптиз биегән кызны күреп кайткач, туйга барырга күңел шикләнә башлады...
Казаннан читтәрәк урнашкан бик текә ресторанлы спорт комплексында үтә мондый туйлар. «Нигә монда?» – дип кызыксынам. «Фәлән түрә малаен шушында өйләндерде бит...»
Ата-аналарның туйда яңгыраган сүзләре дә күбрәк балаларга теләк-нәсихәт түгел, ә килгән кунакларга: «Менә, күрдегезме?! Без шундый!» – дип дәшкән кебегрәк яңгырый...
...«Эт чаба дип, бет чаба» дигәндәй, балаларны өйләндерәсе бар бит әле...
-
Язмыш
Үлчәүләре бармы мәхәббәтнең?!
– Илшатны югалтуны бик авыр кичерде ул. Бер ел яшәмәде дә бугай... Бу югалту белән берничек тә килешергә теләмәде, моңа ышанмады. Хәзер нишләргә соң миңа, дип аптырады. Илшатсыз тормыш була алмый кебек тоелды аңа... Мин бу тарихны, әлбәттә, Гөлфиянең үз авызыннан тыңларга теләгән идем. Без аның белән очрашуларны гел күчердек, ә аннан ул: «Юк, булдыра алмыйм...» – диде. Гөлфия хаклы: хатирәләрне барлау – яраларга кабат кагылу белән бер... Аларның мәхәббәт тарихын сөйләргә миңа Илшатның әнисе Роза ханым, туганнары булышты.
-
Күңелеңә җыйма
Озын колга Нәфисә 3
– Ихтыяр көче юк икән синдә, ашавыңны киметмәсәң, йөри дә алмый башлаячаксың! Мин сиңа өшкереп җиде төрле ризык бирәм. Ике кило кара йөзем алып килерсең, өшкерермен.
-
Күңелеңә җыйма
Тәгәрәп китсен дөньясы!
Вөҗдан газабы борчыса да, тормыйча тагын бераз ятты әле. Яткан килеш кенә кирелеп-сузылып алды. Аннан ашыкмый гына торып, күптәннән шкафында кызыктырып торган күлмәген киде...
-
Күңелеңә җыйма
Бәхеткә юл
Ул көнне Мәдинә тимер юл вокзалына ничек килеп җиткәнен аңламады. Бары тик: «Балам, бар да яхшымы?»– ди сорап, әкрен генә кулына тиюләреннән айнып китте. Ул пассажирлар өчен көтү залында утыра икән. Кеше күплегенә дә, шау-шуга да игътибар итмәгән. Нәрсәгә килде соң әле ул монда? Ә, әйе, әти-әнисе янына кайтып китмәкче иде бит. Тик ничек аларга кайтып күзләренә күренергә?! Оятың кая куярга? «Кызым...» Ул сискәнеп китеп, күршесенә карады. Тәгәрмәчле сумкасын янына куйган кечкенә генә буйлы таныш булмаган апа. Карашында кайгыртучанлык чагыла... Мәдинәнең күңел буасы ерылып китте...
-
Проза
Рәнҗеш
Кызым, балакаем ташла син аны, бер хыянәт иткән кешегә мәңге ышанма син, бер саткан мең сатар, дип юкка гына әйтмиләр...
Комментарийлар
0
0
Уйлана белсэн уйланырлык шул...
0
0
0
0
Шул кадэр тырышык куеп гаилэ тормышы алып барырга ойрэтэсе дэ бит булачак ир белэн хатынны, ярты елны щуна багышлап.Ярышу, мактану да бардыр, андый туйлар кургэлэдек. Эле ярый чынлап та хэленнэн килгэн гаилэлэр генэ шулай итсэ, юк бит. Нинди принциптыр ул: " кешедэн ким булмасын". Туйдан сон ни була, яшэп китулэре дэ шикле. Артык акча тугеп, эллэ нэрсэлэр уйлап чыгарганчы, кайбер кунел ачу чараларын узен оештырсан да була бит. Туй, юбилей тирэсендэ коммерция оештырып йоруче адым саен. Бернинди салым тулэми,сыйфаты очен жавап бирми. БИК матур туйлар бар ,бэхэслэшмим,кунелле була. Лэкин чамадан тыш кылану кирэк тугел инде. Дин буенча да, акыл белэн уйлап та. Бер туй булды, аяктан ега торган. Кыз ягы мондый чыгымнарны кутэрэ алмыйбыз диде. Ярар алайса, без узебезнен туганнар, дусларны гына дэшэбез дип, кызнын эти- энисен генэ дэштелэр. Бертуганнары калды булачак киленнен. Анын каравы ал томан, фейерверк, тагын эллэ нэрсэлэр булды. Булачак кодаларны шулай кимсеткэнче, мондый цирктан баш тартып, икенче якнын да момкинлеклэрен исэпкэ алып гадирэк итеп тэ ясап була иде. Кияу белэн кэлэш икесе дэ студентлар. Туйда аларнын группадашлары иде. Алар узлэре дэ менэ дигэн итеп, биеп- жырлап курсэттелэр. Бай иллэрдэ туй уткэрэм дип кеше шулай юлэрлэнми дилэр. Жинелчэ остэл , тэртипле кунаклар хэм туй сэяхэте Чит иллэрдэн яхшы урнэклэр дэ алырга кирэк, безнен халык булмаган байлыкны курсэтергэ тырыша бугай.
0
0
0
0
Гафу итегез, ике тапкыр жибэрдем, беренче юлы чыкмаган иде.
0
0
0
0
Халисә ханымның язмалары һәрвакыттагыча уйга сала, уйландыра... Мөгез чыгарабыз шул... Ә бит аның асылы ул тугел... Иң мөһиме: ахыры матур дәвамлы булу.
0
0