Блоги
Һәркем үз фәрештәсен тапсын иде...
...Авырыйм. Муеныма, яхшы итеп, йон шәл урап куйдылар. Берәр сәгать чамасы түзеп яттым да, сүтеп, кәнәфигә аттым. Булмый инде миннән...
...Авырыйм. Муеныма, яхшы итеп, йон шәл урап куйдылар. Берәр сәгать чамасы түзеп яттым да, сүтеп, кәнәфигә аттым. Булмый инде миннән... Кычыттыра, уңайсыз; җитмәсә, исе башка каба... Булмый. Кыйммәтле шәл, беркемгә кирәкмәгән үксез бозау кебек, моңаеп, кәнәфидә бөгәрләнеп калды...
Берзаманны ишетәм: Мыр-мыр исемле песиебез, трактор тавышлары чыгарып, бигрәк каты мыраулый башлады. Башны күтәреп карасам, мин бөгәрләп аткан йомшак шәлне Мыр-мыр тәпиләре белән тагы да йомшартып, кирәк урында кытыршы теле белән ялап, кирәк урында борыны белән төрткәләп, үзенә уңайлады; кадерләп кенә, өстенә менеп ятты. Күзләрендә − дөнья рәхәте...
...Без дә шулай: күңелгә ятмаганнарны читкә тибәрәбез. Ә кемдер өчен бу кеше фәрештәгә тиң зат... Аның янәшәсендә булу да тирә-якка ямь өсти, яшәешне мәгънәле итә...
Һәркем үз фәрештәсен тапсын иде...
-
Язмыш
Үлчәүләре бармы мәхәббәтнең?!
– Илшатны югалтуны бик авыр кичерде ул. Бер ел яшәмәде дә бугай... Бу югалту белән берничек тә килешергә теләмәде, моңа ышанмады. Хәзер нишләргә соң миңа, дип аптырады. Илшатсыз тормыш була алмый кебек тоелды аңа... Мин бу тарихны, әлбәттә, Гөлфиянең үз авызыннан тыңларга теләгән идем. Без аның белән очрашуларны гел күчердек, ә аннан ул: «Юк, булдыра алмыйм...» – диде. Гөлфия хаклы: хатирәләрне барлау – яраларга кабат кагылу белән бер... Аларның мәхәббәт тарихын сөйләргә миңа Илшатның әнисе Роза ханым, туганнары булышты.
-
Күңелеңә җыйма
Озын колга Нәфисә 3
– Ихтыяр көче юк икән синдә, ашавыңны киметмәсәң, йөри дә алмый башлаячаксың! Мин сиңа өшкереп җиде төрле ризык бирәм. Ике кило кара йөзем алып килерсең, өшкерермен.
-
Күңелеңә җыйма
Тәгәрәп китсен дөньясы!
Вөҗдан газабы борчыса да, тормыйча тагын бераз ятты әле. Яткан килеш кенә кирелеп-сузылып алды. Аннан ашыкмый гына торып, күптәннән шкафында кызыктырып торган күлмәген киде...
-
Күңелеңә җыйма
Бәхеткә юл
Ул көнне Мәдинә тимер юл вокзалына ничек килеп җиткәнен аңламады. Бары тик: «Балам, бар да яхшымы?»– ди сорап, әкрен генә кулына тиюләреннән айнып китте. Ул пассажирлар өчен көтү залында утыра икән. Кеше күплегенә дә, шау-шуга да игътибар итмәгән. Нәрсәгә килде соң әле ул монда? Ә, әйе, әти-әнисе янына кайтып китмәкче иде бит. Тик ничек аларга кайтып күзләренә күренергә?! Оятың кая куярга? «Кызым...» Ул сискәнеп китеп, күршесенә карады. Тәгәрмәчле сумкасын янына куйган кечкенә генә буйлы таныш булмаган апа. Карашында кайгыртучанлык чагыла... Мәдинәнең күңел буасы ерылып китте...
-
Проза
Рәнҗеш
Кызым, балакаем ташла син аны, бер хыянәт иткән кешегә мәңге ышанма син, бер саткан мең сатар, дип юкка гына әйтмиләр...
Комментарий юк